G20-ийн дээд хэмжээний уулзалтад өндөр түвшинд оролцох албан ёсны урилгыг ОХУ хүлээж авсан гэж тус улсын Гадаад хэргийн дэд сайд Александр Панкин мэдэгджээ.
Энэ дээд хэмжээний уулзалтад Ерөнхийлөгчийн түвшинд оролцох эсэхийг тухайлан шийднэ хэмээн тэр бээр онцолсон байна.
G20-ийн дээд хэмжээний уулзалтыг энэ удаад АНУ даргалж, 2026 оны 12 дугаар сарын 14-15-ны өдрүүдэд Флорида мужийн Майами хотод зохион байгуулах юм.
G20 буюу “Хорийн бүлэг” нь дэлхий дахиныг хамарсан асуудлыг шийдвэрлэх зорилготой, тэргүүлэгч эдийн засагтай улс орнуудыг нэгтгэсэн олон улсын форум юм. Бүлэгт 19 орон болон Европын холбоо багтдаг. Эдгээр орнууд нийлээд дэлхийн эдийн засгийн 85 орчим хувийг бүрдүүлдэг юм.
