УИХ-ын дарга Н.Учрал Төв банканд хийх хяналт, шалгалтын асуудлаар Ерөнхий аудитор, Монголбанкны Ерөнхийлөгч нартай уулзжээ.
Монголбанкны бодлогын алдаа, мөнгө хэвлэлт төгрөгийн ханшийг сулруулж, цалин орлогыг үнэгүйдүүлсээр ирсэн. Бодлогогүй мөнгө, мөнгөгүй бодлого болдог мөнгөний бодлогын алдааны горыг ард иргэд нуруундаа үүрдэг. Монголбанк 700 гаруй ажилтантай, данхар бүтэцтэй болсон.
Тиймээс УИХ-ын дарга Н.Учрал шинээр томилогдсон Монголбанкны Ерөнхийлөгч С.Наранцогтод чиг үүргийн шинжилгээ хийж, данхар бүтцийг нь цомхотгож, бодлогыг нь залруулж, засаглалыг нь засахыг чиглэл болголоо.
