“Жиком пресс” хэвлэлийн газраас эрхлэн гаргасан Цагаадайн улс болон Моголстаны түүхийг өгүүлсэн Мухаммед Хайдар Дулатын “Эр зоригийн шашдир” (Тарих-и Рашиди) номын нээлт “Чингис хаан” үндэсний музейн номын санд 2025 оны 12-р сарын 11-нд болж өнгөрлөө.
Номын зохиогч Мухаммед Хайдар нь Цагаадайн хант улсын төрийн зүтгэлтэн, түүхч хүн бөгөөд бүтээлдээ Цагаадай хан, түүний залгамжлагч хангуудын түүх, тэдний байлдан дагуулал, ариун дайн, аян дайн, улс доторх аж амьдрал, хан суудлын төлөөх тэмцэл, тухайн үед болсон үйл явдлуудыг ойрын эх сурвалжаас авсан болон зохиогч өөрөө зарим үйл хэрэгт оролцож явснаа дэлгэрэнгүй бичжээ.
Түүхэн ач холбогдолтой сурвалж бичгийг Монгол Улсын Ардын уран зохиолч, Соёлын гавьяат зүтгэлтэн орчуулагч Т.Султан оюун бодлоо чилээн орчуулж, шинэ баримтуудыг монгол уншигчдадаа нээж өгсөн байна.
Түүхэн бүтээлийг баринтаглаж, түмэн олонд түгээн дэлгэрүүлэхэд УИХ-ын дарга Н.Учрал дэмжлэг үзүүлжээ. Монгол Улсын Урлагийн гавьяат зүтгэлтэн, найруулагч На.Болд уг номын редактороор ажилласан байна.
