БНХАУ-ын Бээжин хотноо жил бүр “Robot Challenge” олон улсын тэмцээн болдог. Энэ оны наймдугаар сарын 15-17-ны өдрүүдэд уламжлалт “Robot Challenge-2025” болж өндөрлөжээ. Дэлхийн 42 гаруй орны 5000 гаруй тамирчин оролцсон уг тэмцээнд Монгол Улсын тамирчид амжилттай оролцож 6 алт, 7 мөнгө, 5 хүрэл медаль хүртжээ.
Монгол Улсын баг уг тэмцээний түүхэнд чансаагаараа 2023 онд гуравдугаар байр, 2024 онд дөрөвдүгээр байрт бичигдэж байсан бол энэ жил Хятад, Тайландын дараа гуравдугаар байрт шалгарсан байна.
