“20 минутын Үндэсний хороо”-ны даргын зөвлөх Б.Батболдоор ахлуулсан төслийн баг Япон улсын Токио хотноо ажиллаж байна. Тус багийнхан Японы улсын Газар, дэд бүтэц, тээвэр, аялал жуулчлалын яамны удирдлагуудтай ажил хэргийн уулзалт хийж, газар доогуурх худалдааны барилга байгууламжийг барьж байгуулах талаар ярилцжээ. Галт тэрэг, автобус терминалын газар доорх явган хүн зорчих гудамж байгууламжтай холбоотой Япон улсын туршлага судлах хамтран ажиллах талаар үр дүнтэй яриа хэлэлцээ хийсэн байна. Энэхүү анхны уулзалтаар дараа дараагийн хамтын ажиллагааны эхлэлийг тавьжээ. Цаашид энэ төсөл урт хугацаанд үргэлжлэх бөгөөд газар доогуурх зам, барилгын бүтээн байгуулалтад Япон улсын туршлагыг авч хэрэгжүүлэх, тус улсын хувийн хэвшлийнхний дэмжлэгийг авах зэрэг олон ажлууд төлөвлөж байгаа аж.
Мөн Япон Улсын JICA байгууллагын төв салбарт илтгэл танилцуулж, хотын төлөвлөлт, хөгжлийн төсөл хөтөлбөрийн талаар санал солилцжээ.
