Японы мэргэжлийн сүмогийн нэгдүгээр сарын тэмцээн хацү башёгийн хоёр дахь өдрийн барилдаанууд өнөөдөр боллоо. Башёг тэргүүлэн барилдаж буй цорын ганц их аварга Тэрүнофүжи Г.Ган-Эрдэнэ өнөөдөр маэгаширагийн баруун жигүүрийн тэргүүн бөх Вакамотохарүд өвдөг шороодов. Тэрүнофүжи их аваргын хувьд сүүлийн гурван башёг бэртлийн улмаас өнжсөн тул энэ сарын башё тун хариуцлагатай барилдах зорилго тавиад буй.
Озэки Киришима Б.Лхагвасүрэн, Хоошорюү С.Бямбасүрэн нар өнөөдөр ээлжит даваагаа авчээ. Башёгийн эхний өдөр өвдөг шороодсон Хокүсэйхо А.Даваанинж, Тамаваши Б.Мөнх-Оргил нар өнөөдөр учраагаа давжээ.
