Японы мэргэжлийн сүмогийн арваннэгдүгээр сарын барилдаан Кюүшюү башё хоёр дахь өдрөө үргэлжиллээ. Эхний хоёр өдрийн дараах байдлаар шинэхэн озэки Хоошорюү С.Бямбасүрэн, озэки Киришима Б.Лхагвасүрэн нар хоёр даваатай тэмцээнийг амжилттай эхлүүлж байна. Энэ сарын башёд сүмо сонирхогчид Монголын хоёр залуу озэкид ихээхэн найдлага тавьж байгаа аж. Энэ талаар Японы хэвлэлд бичиж эхэлжээ.
Дээд зиндаанд барилдаж буй Хокүсэйхо А.Даваанинж, Тамаваши Б.Мөнх-Оргил нар мөн эхний хоёр өдөр өвдөг шороодолгүй башёг амжилттай эхлүүлж байна.
