Японы мэргэжлийн сүмогийн арваннэгдүгээр сарын тэмцээн кюүшюү башёгийн оноолт буюу банзүкэ гарчээ. Ирэх сарын башёг их аварга Тэрүнофүжи Г.Ган-Эрдэнэ магнайлан барилдахаар эрэмбэлэгджээ. Ийнхүү тэрбээр 13 дахь удаагаа ганцаараа ёкозүна цолтой бичигдэж байна. Түүний араас зүүн жигүүрийн озэки Такакэйшо бичигджээ. Гурав, дөрөвдүгээрт монгол озэки нар болох Киришима Б.Лхагвасүрэн, Хоошорюү С.Бямбасүрэн нар эрэмбэлэгдсэн байна.
Бусад монгол бөхчүүдийн хувьд Хокүсэйхо А.Даваанинж маэгаширагийн зүүн жигүүрийн долоогоос босож барилдана. Тамаваши Б.Мөнх-Оргил маэгаширагийн баруун жигүүрийн 12-т бичигджээ. Кюүшюү башёд Роога А.Амарсанаа анх удаа макүүчи зиндаанд дэвшин барилдахаар болжээ.
