Хууль зүй, дотоод хэргийн сайд Х.Нямбаатар тэргүүтэй төлөөлөгчид өнгөрсөн долоо хоногт БНХАУ-д хийсэн ажлын айлчлалынхаа үеэр тус улсын Хууль зүйн сайд Хө Рунтай уулзалт хийж талууд хоёр улсын хууль зүйн салбарын болон яамд хоорондын хамтын ажиллагааны талаар харилцан санал солилцжээ. Талууд хоёр улсад хорих ял эдэлж буй монгол, хятад иргэдийн нөхцөл байдлын талаар харилцан мэдээлэл солилцохын зэрэгцээ Хууль зүй, дотоод хэргийн сайд Х.Нямбаатарын зүгээс ялтан шилжүүлэх тухай гэрээний дагуу манай улсын нэр бүхий иргэдийг үлдсэн ялыг нь эх оронд нь үргэжлүүлэн эдлүүлэхээр шилжүүлэн өгөхөөр шийдвэрлэсэнд Монгол Улсын Засгийн газрын нэрийн өмнөөс талархаж байгаагаа илэрхийлжээ.
Түүнчлэн тус улсад хорих ял эдэлж буй Монгол Улсын бусад иргэдийг эх оронд нь шилжүүлэн өгөх асуудлыг мөн адил анхааралдаа авч, түргэн шуурхай шийдвэрлэж өгөхийг БНХАУ-ын Хууль зүйн сайд Хө Рунээс хүссэн байна.
