“Стэп Арена” Мөсөн өргөөнд өнгөрсөн жилийн 11-р сарын 26-нд “ONE championship” холбооны “Road to ONE-Mongolia” холимог тулааны тэмцээн болж, олон улсын тамирчид шүүгчид оролцсон билээ. Энэ тэмцээнд “Шандас ММА” клубын тамирчин Б.Энх-Оргил ялалт байгуулж, “ONE championship” холбоотой 100 мянган долларын гэрээ байгуулах эрхээр шагнуулсан юм. Б.Энх-Оргил ийнхүү дэлхийн холимог тулааны хамгийн том дэвжээ болох “ОNE Championship”-ийн рингэнд өрсөлдөх болсон бөгөөд түүний анхны тоглолтын тов гарлаа.
Тэрбээр Тайландын нийслэл Бангкок хотын алдарт “Лумпини стадиум”-д энэ сарын 21-ны өдөр Филиппин улсын тамирчин Адонис Севилленотой тулалдахаар болов. “Лумпини стадиум”-д “ONE Fight Night-9” арга хэмжээний үеэр Б.Энх-Оргил олон улсын дэвжээнд анхны тулаанаа ийнхүү хийх нь ээ.
