2021 онд Перугийн газар доорх булшнаас олсоор биеийг нь ороосон, гараараа нүүрээ халхалсан мумми олджээ. Сан Маркосын үндэсний их сургуулийн археологичид эргийн хот болон Перугийн нийслэл Лимагаас 15.5 милийн зайд орших Кажамаркилла хэмээх чухал дурсгалт газраас сайн нөхцөлд хадгалагдаж үлдсэн мумми олжээ.
Эрдэмтэд уг муммиг 800-1200 жилийн настай гэж тооцоолсон байна. Хэдийгээр олсоор бүтэн биеийг нь ороосон, хэвлийд байгаа ураг шиг байрлуулсан муммигийн гайхалтай дүр төрх нь анх харахад жихүүдэс төрүүлмээр боловч судлаачид үүнийг Перугийн өмнөд нутгийн оршуулгын заншил гэж үзжээ. Булшинд мөн шаазан эдлэл, хүнсний ногооны үлдэгдэл, чулуун багаж байсан аж.
