Хүн төрөлхтөн өчигдөр найман тэрбумуулаа болов. Тодруулбал, 2022 оны арваннэгдүгээр сарын 15-ны 16 цагт найман тэрбум дахь иргэд мэндэлжээ. Австрали улс энэ цаг мөчид төрсөн хүүхдүүдээ найман тэрбум дахь иргэнээр бүртгэсэн юм байна. Австралийн хэвлэлд мэдээлснээр Канберра хотод төрсөн Анандын Мэргэн хүү найман тэрбум дахь иргэнээр бүртгэгджээ.
Хүүгийн аав Батжаргалын Ананд, Эрдэнэцогтын Лхагвасүрэн нар Австралид очоод удаагүй байхдаа анхны хүүгээ өлгийдсөн нь энэ аж . Мэргэн хүү эмч нарын тооцоолсноор 10 хоногийн дараа төрөх байсан ч ийнхүү найман тэрбум дахь иргэн болох гэж “яарсан” аж.
