Нийслэлийн Засаг дарга Д.Сумъяабазар дүүргүүдийн нутаг дэвсгэрт байгаа өнгө үзэмжгүй хашаа, хайс, эвдэрч гэмтсэн шон, самбаруудыг цэгцэлж, стандарт, норм, дүрмийг мөрдүүлэх, газар дээр ажиллаж зөрчлийг арилгуулах үүрэг даалгавар өгсөн. Энэ дагуу хашаа, хайснуудыг буулгаж эхлээд буй юм. Нийслэлд хашаа, хайс барихыг зөвшөөрсөн 16 төрлийн байгууллагын жагсаалт байдаг. Энэ жагсаалтад байхгүй барилга хашаа барих эрхгүй гэж ойлгож болох юм. Бага тойрууд жагсаалтад байхгүй 1779 хашаа, хайс бий. Тэдгээрийг буулгаж чадвал Улаанбаатар хот цэлгэр, алхахад таатай болно гэж үзэж байгаа ажээ.
