МЗХ-ны ерөнхийлөгч О.Гэрэлт-Од ‘Холимог тулааны улсын аварга шалгаруулах анхдугаар тэмцээнд оролцож амжилт гаргасан ‘’Мазаалай’’ клубын тамирчдыг шагнаж урамшууллаа. Тус клубын үүсгэн байгуулагч, байлданы самбо төрөлд дэлхийн 7 удаагийн хошой аварга МУГТ Б.Дамланпүрэвийг МЗХ-ны ойн медаль хүндэт тэмдгээр шагнаж, дасгалжуулагч багш Олон улсын хэмжээний мастер Л.Батбаярыг МЗХ-ны ”Залуучуудын зүтгэлтэн” цол тэмдэгээр шагнажээ. Мөн залуу тамирчин Б.Агарзандан, Л.Балдан-Очир, О.Ганзориг нарыг тэргүүний залуу алтан медалиар, С.Гэрсэнс, Н.Хишигбаяр, Н.Батцэнгэл нарыг Хөдөлмөрийн алдар медалиар, А.Тэмүүлэн, Б.Хүрэлболд, П.Содномдорж, Г.Өлзийбат, Б.Тэнгис нарыг ”Тамирчны алдар” цол тэмдэгээр тус тус шагнажээ. Спортын хүнд төрлөөр хичээллэж өөрийн хүч хөдөлмөрөө бүрэн дайчилж үлгэр дуурайл үзүүлдэг тамирчид, багш дасгалжуулагчдадаа МЗХ-ны удирдлагууд амжилтын дээдийг хүсэн ерөөж баяр хүргэсэн байна.
