АН-аас УИХ-ын гишүүн О.Цогтгэрэлд хаягласан “Уриалга” гэсэн албан бичгийг энэ сарын 17-нд гаргажээ. Нэг АН-ын дарга О.Цогтгэрэлд нөгөө АН-аас нь уриалга очсон гэсэн үг. Уг албан бичигтэй холбогдуулан эрхэм гишүүн удахгүй болох УИХ-ын нөхөн сонгуулийн талаарх байр сууриа илэрхийлжээ.
Тэрбээр, “АН-аас гэх хаягтай эзэн биегүй, гарын үсэггүй албан бичгийг “УИХ-ын гишүүн О.Цогтгэрэлд” гэж хандан ирүүлжээ. Миний хувьд байр суурь тодорхой. “Ардчилсан намын дүрмийн хүрээнд бүх гишүүдээсээ сонгогдож, Их хурлаар батламжлагдсан, Дээд шүүхээр баталгаажаагүй байгаа дарга”-ын хувьд ярилцъя гэвэл уриалгыг нээлттэй хүлээн авч оролцоно. Харин “Ерөнхийлөгч асан Ц.Элбэгдорж болон АН-ын дарга асан С.Эрдэнэ нарын ялах зорилгогүй, наймаалцагч нам гэх хоршлыг хүлээн зөвшөөрөхгүй. Гэхдээ АН-ын нэрийн өмнөөс дүрмийн дагуу дэвших аливаа нэр дэвшигчийг дэмжиж ажиллах” байр сууриудыг АН-ын төлөөллийн төв байгууллагад удахгүй илэрхийлнэ” гэсэн байна.
